شیخ پورا/لکھی سرائے ،2فروری(سیاست ڈاٹ کام)بہار میں ضلع شیخ پورا کے ارییری تھانہ علاقے میں مورتی وسرجن کے دوران دو فرقوں کے درمیان ہوئی پتھربازی میں ارییری جنتا دل یونائیٹیڈ کے بلاک صدر کی موت ہوگئی اور دونوں فرقوں کے تین لوگ زخمی ہوگئے ۔پولیس سپرنٹنڈنٹ دیا شنکر نے آج یہاں بتایا کہ سنئیا گاؤں میں ماں سرسوتی کی مورتی وسرجن کرنے جارہے لوگوں پر ایک فرقے کے لوگوں نے پتھربازی کردی،جس کے بعد دوسرے فرقے کے لوگ بھی پتھر بازی کرنے لگے ۔ دونوں کی جانب سے ہوئے پتھراؤ کے واقعہ میں کل چار لوگ زخمی ہوگئے ۔زخمیوں کو علاج کے لئے شیخ پورا صدراسپتال میں داخل کرایاگیا ہے ،جہاں ارییری کے جے ڈی یو بلاک صدر نند کمار کشواہا عرج امت وشواس (55)کی موت ہوگئی۔مسٹر دیا شنکر نے بتایا کہ شدید طورپر زکمی منٹو مہتو کو بہتر علاج کے لئے پٹنہ میڈیکل کالج اسپتال بھیجا گیا ہے جبکہ دوسرے فرقے کے دو زخمی لوگوں کا علاج شیخ پورا صدر اسپتال میں جاری ہے ۔انہوں نے بتایا کہ مسٹر کشواہا کی موت کے احتجاج میں آج صبح کچھ لوگوں نے شہر کے پٹیل چوک پر ٹائر جلاکر سڑک جام کردی تھی،جسے ختم کردیاگیا ہے ۔اس دوران،اطلاع ملتے ہی پولیس ڈپٹی انسپیکٹر جنرل(منگیر سب ڈیویژن)منو مہاراج جائے وقوع پر پہنچ کر کیمپ کررہے ہیں۔انہوں نے بتایا کہ حالات پوری طرح کنٹرول میں ہیں۔ انہوں نے بتایا کہ اس سلسلے میں پانچ لوگوں کو گرفتار لیا گیا ہے جبکہ دیگر کی گرفتاری کے لئے مشتبہ مقامات پر چھاپے مارنے کی کارروائی کی جارہی ہے ۔
