نئی دہلی: عدلیہ کی لامحدود آزادی پر سوال اٹھاتے ہوئے نائب صدر جگدیپ دھنکر نے آج کہا کہ کوئی بھی طاقت کسی بھی بنیاد پر صدر جمہوریہ کو کوئی ہدایت نہیں دے سکتی۔نائب صدر کی رہائش گاہ پر راجیہ سبھا کے تربیت یافتہ افراد کے چھٹے بیاچ سے خطاب کرتے ہوئے دھنکر نے کہا کہ ملک میں ایسی صورتحال پیدا نہیں کی جا سکتی کہ کوئی بھی صدر جمہوریہ کو ہدایات دے سکے، عدلیہ کا کردار مشاورتی ہے۔ انہوں نے کہا کہ مشاورت رضامندی نہیں ہے، مشاورت صرف مشاورت ہے۔نائب صدر کا یہ بیان سپریم کورٹ کے حالیہ فیصلے کے تناظر میں اہم ہے جس میں سپریم کورٹ نے کہا ہے کہ صدر کو زیادہ سے زیادہ تین ماہ کی مدت میں غور کے لیے بھیجے گئے بلوں پر فیصلہ کرنا ہوگا۔دھنکر نے کہا کہ ہندوستان کے صدر جمہوریہ کا عہدہ سپریم ہے۔ صدر آئین کے تحفظ اور دفاع کا حلف اٹھاتا ہے۔
