ائرپورٹ پر گورنر ‘ چیف منسٹر ‘ مئیر اور دوسروں نے وداع کیا
حیدرآباد 22نومبر(یواین آئی) صدر جمہوریہ شریمتی دروپدی مرمو کا ہفتہ کو 2 روزہ حیدرآباد دورہ اختتام کو پہنچا۔وہ اے پی کے پٹاپرتی کیلئے روانہ ہوگئیں۔ بیگم پیٹ ایرپورٹ پر گورنر جشنودیوورما، چیف منسٹر ریونت ریڈی، مئیرحیدرآباد وجئے لکشمی،وزیرپونم پربھاکر اوردیگر معززین نے ان کو وداع کیا۔اپنے قیام کے دوران، صدر جمہوریہ دروپدی مرمو نے بھارتیہ کلامہتسوم کے دوسرے ایڈیشن کا افتتاح کیا، جس میں گجرات، مہاراشٹرا، راجستھان، گوا، دادرا و ناگرحویلی اور دمن و دیو کی مالامال ثقافتی تہذیب اور فنونِ لطیفہ کی روایات پیش کی گئیں۔راج بھون میں قیام کے بعد صدر مرمو ہفتہ کی صبح پٹاپرتی روانہ ہوگئیں۔
