پانی کے مسائل اور وسائل پر لائحہ عمل تیار کرنے کی ہدایت ، آبپاشی عہدیداروں کے ساتھ جائزہ اجلاس
گمبھی راؤپیٹ : ریاستی وزیر کے تارک رما راؤ نے آج حیدرآباد کے پرگتی بھون میں ایک طویل جائزہ میٹنگ منعقد کی جس میں ریاستی محکمہ آبپاشی کے اعلیٰ عہدیداروں کے ساتھ ساتھ ضلعی انتظامیہ اور ضلعی اراکین اسمبلی شامل تھے۔ کے ٹی آر نے کہا کہ چیف منسٹر کے چندر شیکھر راؤ کے ویژن کے مطابق نئے پروجیکٹس کی تعمیر اور ریاست بھر میں موجودہ پراجیکٹس کی توسیع کے ذریعے زیادہ سے زیادہ ایکڑ اراضی کو سیراب کرنے کے لیے ، سرسلہ ضلع میں قابل کاشت زمین کے ہر انچ کو سیراب کرنے کی کوشش کی جائے گی۔ انہوں نے کہا کہ کالیشورم پروجیکٹ سے پانی کی آمد کے ساتھ ہی ضلع میں بڑے پیمانے پر زرعی کاشت پہلے ہی بڑھ چکی ہے ، تاہم حکام کو ہدایت کی گئی تھی کہ وہ باقی کام مکمل کرکے کاشت مکمل کرنے کے منصوبے تیار کریں۔ کے ٹی آر نے تجویز پیش کی کہ فیلڈ لیول پر دستیاب سیراب آبی وسائل کی ترقی کیلئے کیے جانے والے کام کے لیے مائیکرو لیول پلان تیار کیے جائیں جس کا مقصد ضلع کے ہر تالاب کو بھرنا ہے اور اس حوالے سے مقامی نمائندوں اور کسانوں کی تجاویز بھی لی جانی چاہیے اس جائزہ میٹنگ کے دوران ضلع میں مختلف منصوبوں پر کام کی پیشرفت کا جائزہ لینے کے بعد ، ضلع کے مختلف حلقوں کے اندر کئے جانے والے پروگراموں کے بارے میں مقامی ایم ایل ایز جس میں چنامینی رمیش بابو ، رساملہ بالاکشن ، ایس روی کمار اور دیگر سے فیلڈ لیول کی تفصیلات مانگی گئیں۔ اس موقع پر مقامی اراکین اسمبلی نے اپنے حلقوں میں ہونے والے کاموں کے ساتھ ساتھ مختلف تجاویز کا ذکر کیا جو بہت کم فنڈ پر مختصر مدت میں مکمل کی جا سکتے ہیں۔ انہوں نے کہا کہ کچھ تالابوں کی ترقی کے علاوہ نئے چیک ڈیموں کی تعمیر سے مزید کئی ایکڑ زمین کو سیراب کرنے کا موقع بھی ملے گا۔ انہوں نے ریاستی وزیر کو یہ بھی بتایا کہ وہ ان منصوبوںکے لیے زمین کے حصول پر مقامی کسانوں اور عوام کے ساتھ ہم آہنگی پیدا کریں گے اور ضروری فنڈز اور منصوبہ بندی کو جلد از جلد مکمل کریں گے۔ ریاستی وزیر کے ٹی راما راو نے کہا کہ حکومت ضلع میں جاری کام کو مکمل کرنے کے لیے تمام ضروری مدد فراہم کرے گی۔ کے ٹی آر نے عہدیداروں کو ہدایت دی کہ وہ ان کاموں پر توجہ دیں جنہیں جلد از جلد مکمل کرنے کی ضرورت ہے اور انہیں مکمل کرنے کے لیے اقدامات کریں۔ انہوں نے ضلعی حکام کو ہدایت کی کہ وہ ایک جامع رپورٹ تیار کریں جس میں ضلع کے اندر تمام حلقوں ، زونوں اور دیہات کی سطح کے پانی کے وسائل اور ان کے تحت اسٹریٹجک منصوبوں کی تفصیل ہو۔ وزیر کے ٹی آر نے کہا کہ ضلعی آبپاشی منصوبوں پر یہ جائزہ میٹنگ اہم تھی اور جلد ہی فیلڈ لیول سے تجاویز کے ساتھ کاموں کی پیش رفت پر ایک اور طویل میٹنگ منعقد کریں گے اس میٹنگ میں سرسلہ ضلع سے تعلق رکھنے والے ارکان اسمبلی چنامینی رمیش بابو، رسملہ بالاکش، ایس روی وغیرہ کے علاوہ اسپیشل چیف سکریٹری ، محکمہ آبپاشی رجت کمار ، محکمہ آبپاشی کے اعلیٰ عہدیداران ، ڈسٹرکٹ کلکٹر کرشنا بھاسکر اور دوسرے موجود تھے۔