جالندھر : عام آدمی پارٹی (اے اے پی) نے جالندھر ویسٹ اسمبلی ضمنی انتخاب میں کانگریس پارٹی کی امیدوار سریندر کور کے بیٹے پر زمین گھوٹالہ کا الزام لگایا ہے ۔پارٹی نے کہا کہ ان کے بیٹے کرن نے اپنی ماں کے سینئر ڈپٹی میئر کے عہدے کا غلط استعمال کیا اور اس کا مالی فائدہ اٹھایا۔اے اے پی لیڈر پون کمار ٹینو نے اتوار کو ایک پریس کانفرنس کے دوران اس معاملے کا انکشاف کرتے ہوئے کہا کہ دیول نگر میں کوکا کولا کمپنی کی 125 مرلہ زمین تھی۔ پہلے اس زمین پر کوکا کولا ڈپو تھا۔ کمپنی نے اسے کمرشل زمرہ کی زمین کروائی تھی۔ سریندر کور جب سینئر ڈپٹی میئر تھیں تو ان کے بیٹے کرن نے وہ زمین کوکا کولا کمپنی سے خریدی تھی۔ اب وہ اس کمرشل اراضی کو غیر قانونی طور پر رہائشی پلاٹ میں تبدیل کر کے فروخت کر رہا ہے ۔ انہوں نے کہا کہ اس کے این او سی کے لیے جو کاغذات لگائے گئے ہیں وہ بھی جعلی ہیں۔انہوں نے کہا کہ پورے جالندھر شہر میں سیوریج کا مسئلہ ہے لیکن سریندر کور نے سینئر ڈپٹی میئر رہتے ہوئے کارپوریشن کی اجازت کے بغیر اس زمین کو سیوریج سسٹم سے بھی جوڑ دیا کیونکہ ان کا مقصد صرف پیسہ کمانا تھا۔ انہوں نے کہا کہ کانگریس امیدوار سریندر کور پانچ سال تک سینئر ڈپٹی میئر رہیں۔
