جموں : بالی ووڈ اداکارہ عالیہ بھٹ اپنی نئی فلم ’الفا‘ کی شوٹنگ کیلئے کشمیر میں ہیں، جو وائی آر ایف اسپائی یونیورس کی تازہ ترین پیشکش ہے۔ فلم کے ہدایتکار شیو راویل ہیں، اور کاسٹ میں شرواری، بوبی دیول، اور انیل کپور جیسے بڑے نام شامل ہیں۔شوٹنگ کے نئے مرحلے کے دوران عالیہ بھٹ کی نئی تصاویر سوشل میڈیا پر وائرل ہورہی ہیں، جن میں ان کی فطری خوبصورتی، کشمیر کے دلکش مناظر کے ساتھ نکھر کر سامنے آرہی ہے۔ مقبوضہ کشمیر کی ہوٹل نے اپنی انسٹاگرام پوسٹ میں عالیہ کی تصاویر شیئر کیں، جن میں وہ سفید کارڈیگن، نیوی بلیو پینٹس اور سفید مفلر کے ساتھ سادہ لیکن دلکش انداز میں نظر آئیں۔ اس سے پہلے اگست 2024 میں عالیہ بھٹ اور شرواری کو کشمیر میں ایک ساتھ شوٹنگ کرتے ہوئے دیکھا گیا تھا۔
