ابوظہبی: عمان سے براہ راست سفر کرنے والوں کو متحدہ عرب امارات میں داخلے سے پہلے اب قرنطینہ میں رہنے کی شرط نہیں پوری کرنی پڑے گی۔عرب نیوز کے مطابق ممالک کی ’گرین فہرست‘ میں عمان کے علاوہ سعودی عرب اور کویت کو بھی شامل کر لیا گیا ہے۔گرین فہرست میں وہ ممالک شامل ہیں جہاں سے براہ راست سفر کرنے والے متحدہ عرب امارات میں بغیر قرنطینہ کیے داخل ہو سکتے ہیں۔ممالک میں کورونا کی صورتحال کے مطابق گرین فہرست کو مسلسل اپڈیٹ کیا جاتا ہے۔ اس فہرست میں برونائی، چین، ہانگ کانگ، مکاؤ، ماریشس، منگولیا، نیوزی لینڈ اور تھائی لینڈ کے علاوہ چند دیگر ممالک شامل ہیں۔مختلف ممالک کو کورونا سے متعلق قوائد و ضوابط پر عمل درآمد کی بنیاد پر عرب امارات کی جانب سے شائع کی گئی گرین فہرست میں شامل کیا جاتا ہے۔اس فہرست میں شامل ممالک میں کورونا کی صورتحال کا باقاعدگی سے جائزہ لیا جاتا ہے جس کی بنیادہ پر انہیں گرین فہرست میں رکھنے یا نکالنے کا فیصلہ کیا جاتا ہے گرین فہرست کا جائزہ دو روز قبل 3 جنوری کو لیا گیا تھادوسری جانب عمان میں 180 کورونا وائرس کے نئے کیسز سامنے آئے ہیں جبکہ ایک مریض ہلاک ہو گیا ہے ۔
