جدہ، 29 ستمبر (سیاست ڈاٹ کام) پاکستان کے وزیر اعظم عمران خان اتوار کے روز سعودی عرب کے جدہ شہر سے اسلام آباد کے لئے روانہ ہو گئے ۔پاکستانی روزنامہ ڈان کے مطابق، وزیر اعظم کے دفتر کے ایک اہلکار نے اتوار کو اطلاع دی کہ مسٹر خان اقوام متحدہ کی جنرل اسمبلی کے 74 ویں اجلاس میں شرکت کے بعد ہفتہ کو سعودی طیارے ایس وی 20 سے نیویارک سے جدہ پہنچے اور آج وہ اسلام آباد کے لئے روانہ ہو چکے ہیں۔دریں اثنا، پاکستان تحریک انصاف (پی ٹی آئی) کے لیڈر جہانگیر خان ترین نے مسٹر خان کے آج شام پانچ بجے اسلام آباد ہوائی اڈے پر پہنچنے پر ملک کے لوگوں سے ان کا استقبال ایک ‘ہیرو’ کے طور پر کرنے کی اپیل کی ہے ۔مسٹر ترین نے ٹویٹر پر کہاکہ ‘‘وزیر اعظم عمران خان کشمیر مسئلے پر ایک حقیقی ہیرو کی طرح لڑے ۔ اقوام متحدہ کی جنرل اسمبلی میں ان کی تقریر سے عالمی سطح پر پاکستان کی تصویر کو تبدیل کرنے میں مدد ملی ہے ’’۔
