انقرہ۔ 18اکتوبر (یو این آئی) ترک صدر طیب اردغان نے کہا کہ غزہ کی عوام کے زخموں پر مرہم رکھنے کی ضرورت ہے ۔ غیرملکی میڈیا کے مطابق ترکیہ کے صدر رجب طیب اردغان نے ترک افریقہ فورم سے خطاب کرتے ہوئے کہا کہ اسرائیل کا ریکارڈ اچھا نہیں ہے اور ہم غزہ کے لیے پریشان ہیں جہاں کے عوام کے زخموں پر مرہم رکھنے اور وہاں تعمیر نو کی ضرورت ہے ۔ ترک صدر نے بتایا کہ ہم نے حماس اور اسرائیلی کے درمیان معاہدہ کے لیے سخت کوششیں کی تھیں تاکہ غزہ میں امن قائم ہوسکے ۔ صدر طیب اردغان نے مزید کہا کہ وہ سوڈان میں جاری بحران پر پریشان ہیں اور وہ یہ بھی چاہتے ہیں کہ وہاں امن قائم ہوجائے ۔ انہوں نے مغربی دنیا پر تنقید کرتے ہوئے کہا کہ مغرب کے لوگ دیکھ رہے ہیں کہ برِاعظم افریقہ میں تنازعات اور خانہ جنگی ہو رہی ہے ، لیکن یہ کچھ نہیں کرتے ۔