پیرس : فرانس میں کل شام آئے 5.8 شدت کے زلزلے میں 1 شخص زخمی ہو گیا جبکہ مکانات کو شدید نقصان پہنچا۔فرانس کے ماحولیاتی تبدیلی کے وزیر کرسٹوف بیچو نے اپنے ٹویٹر اکاؤنٹ پر ایک بیان میں کہا کہ گزشتہ روز ملک کے مغرب میں 5.8 کی شدت کا زلزلہ آیا۔بیچو نے بتایا کہ یہ فرانس میں ریکارڈ کیے گئے سب سے بڑے زلزلوں میں سے ایک تھا۔مقامی میڈیا رپورٹس کے مطابق زلزلہ لا روچیل اور نیورٹ شہروں کے درمیان آیا۔لا روچیل شہر سے 30 منٹ کی دوری پر واقع گاؤں لا لاگن کے رہائشیوں کو ان کے مکانات کے منہدم ہونے کے خطرے کے پیش نظر احتیاطی اقدام کے طور پر وہاں سے نکالا گیا تھا۔
