۔24 گھنٹوں میں 3.57 لاکھ مریض صحت یاب ہوئے۔ مہاراشٹرا میں مریضوں کی تعداد میں کمی
نئی دہلی : ملک میں کورونا وائرس (کووڈ ۔19) کی رفتار کم ہونے اورکورنا متاثرین کی نئے کیسزکے مقابلہ اس سے شفایاب ہو نے والوں کی تعداد زیادہ رہنے سے گزشتہ 24 گھنٹوں کے دوران ایک لاکھ سے زیادہ ایکٹیو کیسز کی تعداد میں کمی واقع ہوئی ہے ۔دریں اثنا گذشتہ 24 گھنٹوں کے دوران ملک میں 14 لاکھ 82 ہزار 754 افراد کو کورونا ویکسین دی گئی۔ ملک میں اب تک مجموعی طورپر19 کروڑ 18 لاکھ 79 ہزار 503 افراد کو اینٹی کورونا ویکسین دیئے جاچکے ہیں۔مرکزی وزارت صحت کی جانب سے جمعہ کی صبح جاری تازہ ترین اعداد و شمار کے مطابق گذشتہ 24 گھنٹوں میں2,59,591 نئے کیسز کی رپورٹ کے ساتھ کورونا متاثرین کی مجموعی تعداد دو کروڑ 60 لاکھ 31 ہزار 991 ہوگئی ہے ۔ اسی عرصے کے دوران تین لاکھ 57 ہزار 295 مریض صحت مند ہوئے جس سے شفایاب ہونے والے مریضوں کی مجموعی تعداد 2,27,12,735 ہوگئی ۔ ملک میں کورونا وبا سے شفایابی کی شرح 87.25 فیصد ہوگئی ہے ۔ اسی عرصے کے دوران ایکٹیو کیسز 1,01,953 سے گھٹ کر 30 لاکھ 27 ہزار 925 رہ گئے ہیں۔گزشتہ چوبیس گھنٹوں کے دوران ملک میں 4,209 مریض اپنی جانوں سے ہاتھ دھو بیٹھے جس سے اس جان لیوا وبا سے ہلاک ہونے والوں کی مجموعی تعداد 291331 ہوگئی ہے ۔ملک میں ایکٹیو کیسزکی شرح گھٹ کر 11.63 فیصد رہ گئی ہے ، جبکہ اموات کی شرح 1.12 فیصد ہوگئی ہے ۔ملک میں ریاست مہاراشٹر میں ایکٹیو کیسز 18444 گھٹ کر 385785 رہ گئے ہیں۔ اسی عرصے کے دوران ریاست میں 47371 مزید مریضوں کی شفایابی کے بعد صحت مند ہونے والے مریضوںکی مجموعی تعداد 5026308 ہوگئی ہے جبکہ 984 مریضوں کی ہلاکت کے ساتھ اموات کی مجموعی تعداد 85355 ہوگئی ہے ۔اسی عرصے کے دوران جنوبی ہند کی ریاست کیرالہ میں ایکٹیوکیسز کی تعداد 14006 سے گھٹ کر مجموعی تعداد 318220 رہ گئی ہے اور 443699 مریض صحت یاب ہوئے ہیں۔ ریاست میں کورونا کو شکست دینے والوں کی تعداد 1938887 ہوگئی ہے ، جبکہ 128 مزید مریضوں کی موت سے ہلاکتوں کی مجموعی تعداد 6852 ہوگئی ہے ۔ریاست کرناٹک میں کورونا وائرس کے ایکٹیو کیسز میں 23936 کی کمی واقع ہوئی ہے جس سے اس کی مجموعی تعداد 534975 رہ گئی ہے ۔ اسی دوران مزید 548 مریضوں کی اموات سے ہلاکتوں کی مجموعی تعداد 23854 ہوگئی ہے ۔ ریاست میں اب تک 1776695 مریض شفایاب ہوئے ہیں۔قومی دارالحکومت دہلی میں کورونا وائرس کے ایکٹیو کیسز کی تعداد 4833 سے گھٹ کر اب اس کی مجموعی تعداد 40214 رہ گئی ہے ۔ یہاں اس جان لیوا وبا سے ہلاکتوں کی تعداد233سے بڑھ کر مجموعی تعداد 22579 ہوگئی ہے ۔ قومی دارالحکومت میں شفایاب ہونے والے مریضوں کی مجموعی تعداد 1347157 ہوگئی ہے ۔ریاست تلنگانہ میں ایکٹیو کیسز کی تعداد 1189 سے گھٹ کرمجموعی تعداد 45757 رہ گئی ہے ، جبکہ اب تک 3060 افراد لقمہ اجل بن چکے ہیں۔ اسی کے ساتھ ہی اس وبا سے اب تک 495446 مریض شفایاب ہوئے ہیں۔