حیدرآباد: اداکار الو ارجن کو آج صبح حیدرآباد کی ایک جیل سے رہا کیا گیا۔ جیل سے رہائی کے بعد سوپر اسٹار الو ارجن نے میڈیا سے بات چیت میں کہا کہ جو کچھ ہوا اس پر افسوس ہے اور میں معذرت خواہ ہوں۔ اپنے مداحوں کا شکریہ ادا کرتا ہوں اور ان سے کہنا چاہتا ہوں کہ فکر کی کوئی بات نہیں۔ الو ارجن نے مزید کہا کہ افسوسناک واقعہ میں متاثرہ فیملی سے تعزیت کرتا ہوں۔ جو کچھ ہوا اس پر افسوس ہے۔ میں قانون کی پابندی کرنے والا شہری ہوں اور مقدمے کے سلسلے میں پولیس سے تعاون جاری رکھوں گا۔ پشپا فلم کے اسٹار الو ارجن کوگزشتہ روز حیدرآباد میں پولیس نے گرفتار کیا تھا۔ حیدرآباد میں فلم ’پشپا 2‘ کے پریمیئر کے دوران بھگدڑ کے نتیجے میں ہونے والی ہلاکت کے معاملے میں مشہور فلم اسٹار کو گرفتار کیا گیا تھا۔ 4 دسمبر کو پشپا 2 کی ریلیز کے موقع پر بھگدڑ میں 39 سالہ خاتون ہلاک اوران کا بیٹا زخمی ہوگیا تھا۔
