حیدرآباد : لاک ڈاؤن کے دوران پولیس کے ساتھ مبینہ بدسلوکی کرنے والے دو افراد بشمول ایک نابالغ کو پولیس راجندر نگر نے گرفتار کرلیا۔ ایک پولیس کانسٹیبل کی شکایت پر یہ کارروائی کی گئی جو آج یہاں ایم ایم پہاڑی غریب نواز ہوٹل کے قریب خدمات انجام دے رہا تھا۔ پولیس کے مطابق گرفتار عامر بیگ ساکن ایم ایم پہاڑی اور ایک کم عمر لڑکا موٹر سیکل پر جارہے تھے کہ انہیں شکایت گذار پولیس کانسٹیبل نے روک لیا اور ماسک نہ لگانے کی وجہ دریافت کی اس دوران بیگ اور کم عمر لڑکے پر الزام ہیکہ اس نے پتھر سے پولیس پر حملہ کرنے کی کوشش کی اور پولیس نے مبینہ طور پر بدسلوکی کی پولیس نے دونوں کو گرفتار کرتے ہوئے عدالتی تحویل میں دیدیا۔
