سری نگر: لداخ میں منگل کی علی الصبح ہلکے درجے کے زلزلے کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔ریختر اسکیل پر زلزلے کی شدت 5 اعشاریہ 1 ریکارڈ کی گئی ہے اور اس کا مرکز لداخ کا ہی کوئی علاقہ تھا جبکہ اس کی گہرائی دس کلو میٹر درج ہوئی ہے ۔نیشنل سینٹر فار سیسمولوجی کے مطابق منگل کی علی الصبح قریب پانچ بجکر 13 منٹ پر زلزلے کے جھٹکے محسوس کئے گئے ۔ انہوں نے کہا کہ زلزلے کا مرکز لداخ کا کوئی علاقہ تھا۔سینٹر فار سیسمولوجی کے مطابق لداخ میں گزشتہ دو ہفتوں کے دوران سات مرتبہ زلزلے کے جھٹکے محسوس کئے گئے ۔ اگرچہ ان میں کسی جانی نقصان کی کوئی اطلاع نہیں ہے تاہم مبینہ طور پر کچھ چٹانیں اپنی جگہ سے کھسک گئی ہیں۔
