دبئی۔آسٹریلیائی کرکٹر مارنس لیبوشین آئی سی سی کی ٹسٹ درجہ بندی میں دنیا کے نئے نمبر 2 ٹسٹ بیٹربن گئے ہیں، جنہوں نے اپنے سینئر ساتھی اسٹیو سمتھ اور نیوزی لینڈ کے کپتان کین ولیمسن کو پیچھے چھوڑ دیا، جبکہ پہلے ایشز ٹسٹ میں ٹریوس ہیڈ کی سنچری بھی انہیں فائدہ دیا ہے۔ دراز قد پاکستانی بولر شاہین آفریدی درجہ بندی میں مسلسل ترقی کر رہے ہیں، اس فاسٹ بولر نے بنگلہ دیش کے خلاف میرپورکی عمدہ کارکردگی کے بعد مردوں کی ٹسٹ بولنگ درجہ بندی میں ایک اور چھلانگ لگا دی ہے۔آفریدی نے میچ میں1/3 اور 2/31 کے ساتھ کامیابی حاصل کی اور آسٹریلیا کے فاسٹ بولر جوش ہیزل ووڈ اور بلیک کیپس کے فاسٹ بولر ٹم ساؤتھی کو پیچھے چھوڑتے ہوئے دو درجے ترقی کر کے تیسرے نمبر پر پہنچ گئے۔ آفریدی کے ہم وطن حسن علی نے بھی دیر سے ٹاپ 10 میں جگہ بنائی۔ نئے آسٹریلیائی کپتان پیٹ کمنز نے برسبین کے گابا ٹسٹ میں انگلینڈ کے خلاف سات وکٹوں کی کارکردگی کے بعد اپنی نمبر ایک مقام مزید مستحکم کرلیا ہے ۔ٹاپ 10 کے علاوہ ٹسٹ میچوں میں دو بولروں نے نمایاں چھلانگیں لگائیں، خاص طور پر ساجد خان جو 52 درجے اوپر چلے گئے جبکہ انگلینڈ کے فاسٹ بولر اولی رابنسن کی چار وکٹوں نے انہیں چار مقام کی ترقی دلوائی۔لیبوشین نے پہلے ایشز ٹسٹ کے بعد دو مقامات کی ترقی حاصل کی ہے چوتھے مقام سے نمبر 2 پر آگئے۔ کارکردگی کا مطلب یہ تھا کہ دائیں ہاتھ کے کھلاڑی نے اسمتھ اور ولیمسن کو پیچھے چھوڑ دیا جو ایک ایک مقام نیچے گرگئے۔ہیڈ کی سنچری نے انہیں ٹاپ 10 میں جانے کے لیے 16 مقامات کی ترقی دی۔ وہ اس وقت افریقہ کے کوئنٹن ڈی کاک کے ساتھ 10ویں نمبر پر ہیں۔
پاکستان کے نام ایک اور ریکارڈ
کراچی ۔پاکستان ٹیم ایک سال میں سب سے زیادہ میچز جیتنے کا بھی ریکارڈ بنایا ہے ۔ پاکستان کرکٹ ٹیم ایک سال میں سب سے زیادہ ٹی ٹوئنٹی میچزکھیلنے والی ٹیم بن گئی ہے۔واضح رہے کہ کراچی کے نیشنل اسٹیڈیم میں پاکستان نے اس سال کا 28 واں ٹی20 میچ کھیلا ۔ واضح رہے کہ پاکستان ٹیم کا اس سال 18 ٹی ٹوئنٹی میچز جیتنا بھی ایک ریکارڈ ہے۔
