دبئی۔امریکی محکمہ خارجہ کی ترجمان مورگن اورٹاگوس نے کہا ہے کہ مصری صدر عبدالفتاح السیسی کی جانب سے لیبیا میں امن واستحکام کے لئے جنگ بندی کی ضرورت پر زور دینے کے ساتھ ساتھ لیبیا کے ہمسایہ ممالک اور تمام بیرونی قوتوں سے کہا گیا ہے کہ وہ لیبیا کے تنازعہ کے پرامن حل کیلئے مل جل کر کام کریں۔امریکی وزارت خارجہ کی ترجمان نے العربیہ چینل سے بات کرتے ہوئے لیبیا میں جنگ بندی کیلئے اقوام متحدہ کی زیرقیادت سیاسی گفت و شنید کی واپسی کیلئے مصری کوششوں کی حمایت کی تصدیق کی ہے۔ترجمان نے زور دے کر کہا کہ امریکہ لیبیا میں غیر ملکی فوجی مداخلت کو ختم کرنے اور جنوری میں برلن کانفرنس کے دوران اقوام متحدہ کے اسلحہ پابندی اور دیگر وعدوں کی تعمیل کرنے کی خواہش کی حمایت کرتا ہے۔مصری صدرعبد الفتاح السیسی نے اس بات پر زور دیا ہے کہ کہ مصرکی قومی سلامتی ہمسایہ ممالک کے استحکام اور سلامتی سے منسلک ہے۔
