کولکاتہ ۔22؍ڈسمبر ( ایجنسیز )ارجنٹینا کے عالمی شہرت یافتہ فٹبالر لیونل میسی کے تین روزہ ’گوٹ ٹور ا?ف انڈیا‘ کے گرفتار مرکزی منتظم ستادرو دتہ نے انکشاف کیا ہے کہ میسی تقریب کے دوران لوگوں کے بار بار چھونے اور گلے لگانے پر ناخوش تھے۔غیر ملکی میڈیا رپورٹس کے مطابق کلکتہ میں منعقدہ تقریب کے دوران ہنگامہ آرائی اور سیکیورٹی کی سنگین خامیوں کی تحقیقات جاری ہیں۔خصوصی تحقیقاتی ٹیم (ایس آئی ٹی) کے مطابق مرکزی منتظم ستادرو دتہ کے مطابق میسی کے بھارت دورے پر مجموعی طور پر تقریباً 100 کروڑ روپے خرچ ہوئے۔مالی معاملات سے متعلق ستادرو دتہ نے بتایا کہ لیونل میسی کو بھارت کے دورے کے لیے 89 کروڑ روپے ادا کیے گئے، جبکہ 11 کروڑ روپے بطور ٹیکس حکومت ہند کو دیے گئے، اس طرح اس دورے پر کْل لاگت 100 کروڑ روپے آئی۔اس رقم کا 30 فیصد اسپانسرشپ سے اور 30 فیصد ٹکٹوں کی فروخت سے حاصل کیا گیا۔ 13 دسمبر کو کلکتہ کے سالٹ لیک اسٹیڈیم تقریب کے گرفتار منتظم ستادرو دتہ نے بتایا کہ میسی کو پیٹھ پر ہاتھ رکھنے یا گلے لگائے جانے پر شدید اعتراض تھا تاہم بار بار اعلانات کے باوجود ہجوم بے قابو ہوگیا اور میسی طے شدہ وقت سے پہلے ہی اسٹیڈیم چھوڑ گئے۔