پولیس حراست میں رہنے کا الزام ، ڈنڈکارنیا اسپیشل زون کمیٹی کا الزام
حیدرآباد ۔ 28 ۔ نومبر : ( سیاست نیوز) : ماؤ نواز ڈنڈکارنیا اسپیشل زون کمیٹی نے الزام عائد کی ہے کہ دیوجی جو ماؤنواز سنٹرل کمیٹی پولیٹ بیورو کے رکن ہیں وہ پولیس کی حراست میں ہیں ۔ ڈنڈکارنیا کمیٹی مطالبہ کررہی ہے کہ دیوجی کو عدالت میں پیش کیا جائے ۔ کمیٹی نے یہ بھی الزام لگایا کہ 18 نومبر کو اہم ماؤنواز لیڈر کا انکاونٹر ایک دھوکہ تھا ۔ اس وقت ڈی کے ایس زیڈس نے کہا کہ پولیس نے دیوجی کے ساتھ 50 ماؤنوازوں کو گرفتار کیا تھا ۔ کمیٹی نے انکاونٹر کے خلاف 30 نومبر کو چھتیس گڑھ ڈنڈکارنیا بند کا اعلان کیا ہے ۔ دریں اثناء 18 نومبر کو ہڈما انکاونٹر کے بعد دیوجی کا پتہ نہیں چلا ۔ نہ ہی پولیس اور نہ ہی ماؤنوازوں نے دیوجی کے ٹھکانے کی تصدیق کی ۔ آخر کار ماؤنواز پارٹی نے دیوجی کے حوالے سے ایک خط جاری کیا ہے ۔ کمیٹی نے واضح یا کہ دیوجی پولیس تحویل میں ہیں اور انہیں عدالت میں پیش کیا جائے ۔ اے پی پولیس نے ہڈما کو پکڑنے کے بعد منصوبہ بند طریقے سے انکاونٹر کیا تھا ۔ کمیٹی کا خیال ہے کہ یہ ایک فرضی انکاونٹر تھا ۔ تلنگانہ پولیس ڈی جی پی نے وضاحت کی ہے کہ دیوجی ان کی تحویل میں نہیں ہے ۔ اے پی پولیس نے بھی عدالت کو بتایا کہ دیوجی ان کی تحویل میں نہیں ہے ۔ اے پی پولیس نے بھی عدالت کو بتایا کہ دیوجی ان کی تحویل میں نہیں ہے ۔ جس کے بعد دیوجی کی تلاش جاری ہے اور اس کے ٹھکانے کا پتہ لگانے کی کوشش کی جارہی ہے ۔۔ ش
