نئی دہلی 30 اپریل (سیاست ڈاٹ کام) مارچ میں کورونا وائرس ‘کووڈ -19’ کے پیش نظر مکمل لاک ڈاون سے ملک میں گھریلو راستوں پر ہوائی سفر کی مانگ 11.8 فیصد کم رہی جبکہ عالمی سطح پر اس میں 47.8 فیصد کی کمی دیکھنے کو ملی ہے ۔انٹرنیشنل ایئر ٹرانسپورٹ ایسوسی ایشن (آئی اے ٹی اے ) کی رپورٹ کے مطابق، مارچ میں بین الاقوامی اور گھریلو پروازوں کو ملا کر عالمی سطح پر ہوائی سفر کی مانگ 52.9 فیصد گھٹ گئی ہے ۔آئی اے ٹی اے مسافر کلومیٹر کی یونٹ میں ہوائی سفر کی مانگ کے مطابق حساب لگاتا ہے ۔ایشیا بحر الکاہل کے علاقے سب سے زیادہ متاثر ہوئے ہیں جس میں ہندوستان بھی شامل ہے ۔ اس علاقے میں مانگ میں 59.9 فیصد کی کمی آئی ہے ۔گھریلو راستوں پر عالمی مانگ میں 47.8 فیصد کی کمی درج کی گئی جبکہ میں یہ اعدادوشمار 21.3 فیصد رہا تھا۔ ہندوستان میں گھریلو ہوائی سفر کی مانگ میں مارچ میں 11.8 فیصد کی کمی آئی ہے ۔