پیرس۔ ایک فرانسیسی بس ڈرائیور جسے کورونا وائرس ضوابط پر عمل کرانے کی کوشش میں مسافروں نے بری طرح تشدد کا نشانہ بنایا تھا، ایک ہاسپٹل میں جانبر نہ ہوسکا۔ یہ واقعہ جنوب مغربی فرانسیسی قصے بیون میں پیش آیا تھا۔ مختلف سیاسی رہنماؤں نے اس واقعے کی مذمت کرتے ہوئے اسے ایک ’بزدلانہ حملہ‘ قرار دیا ہے۔ 59 سالہ ڈرائیور فِلیپ مونگیو برین ڈیڈ حالت میں ایک ہسپتال میں مصنوعی تنفس کے ساتھ زندہ تھے، تاہم ان کے اہل خانہ نے جمعہ کو لائف اسپورٹ نظام بند کرنے کا فیصلہ کیا۔ اس واقعہ میں ملوث ہونے کے الزام میں دو افراد زیرحراست ہیں۔