لکھنو : محرم کے دوران مذہبی جلوسوں کی نقل و حرکت کی اجازت دینے کیلئے لکھنؤکا مشہور رومی دروازہ دو دن کیلئے دوبارہ کھل جائے گا۔ آرکیالوجیکل سروے آف انڈیا نے مرمت کے کام کیلئے پھاٹک سے گزرنے والی ٹریفک کو روک دیا ہے لیکن یہ جمعرات کے علاوہ26 جولائی کو دوبارہ کھل جائے گا تاکہ محرم کے دوران جلوس کی 400 سال پرانی روایت برقرار رہے۔ دو جلوس اس دروازے سے گزینگے یکم محرم کو شاہی زری کا اور7 محرم کو جناب قاسم کی مہدی کا جلوس یہاں سے گزرے گا۔
اسلامی مہینہ محرم جمعرات سے شروع ہوگیا۔ رویت کمیٹی کے صدر مولانا سیف عباس کے مطابق اسلامی مہینے محرم کا چاند منگل کو نظر نہیں آیا تھا لہٰذا ذی الحجہ کا مہینہ ختم ہوا اور محرم کی پہلی تاریخ جمعرات کو ہوئی۔ مرکزی رویت کمیٹی کے امام عیدگاہ مولانا خالد رشید فرنگی محلی نے کہا کہ یوم عاشورہ جس دن امام حسین کی شہادت ہوئی وہ 29 جولائی کوہوگی۔
