ٹریفک چالانات سے 153 فیصد سے زائد کا اضافہ
حیدرآباد ۔ 23 ۔ فروری : ( سیاست نیوز ) : سرکاری خزانے کو بہتر آمدنی فراہم کرنے میں محکمہ ٹرانسپورٹ ایک اہم محکمہ ہے ۔ مختلف شعبہ جات میں معمولی ترقی کے باوجود زندگی کے سب سے اہم ٹیکس ریونیو میں بھاری کٹوتی کی وجہ سے اس محکمے کی آمدنی میں اضافہ سرخرو ہوگیا ہے ۔ اس کے ساتھ ساتھ پولیس گاڑی چلانے والوں کو بھی چالان جاری کررہی ہے ۔ ان چالانات سے مجموعی طور پر 153.90 فیصد اضافہ ریکارڈ کیا گیا ہے ۔ محکمہ ٹرانسپورٹ نے حال ہی میں ریاستی حکومت کو اطلاع دی ہے کہ پچھلے سال کے مقابلے آمدنی میں 2.73 فیصد اضافہ ہوا ہے ۔ رپورٹ میں اپریل 2024 سے جنوری 2025 اور اپریل 2025 سے جنوری 2026 کے درمیان آمدنی کی تفصیلات پیش کی گئی ۔ محکمہ ٹرانسپورٹ کی کل آمدنی کا 73 فیصد لائف ٹیکس سے آتا ہے ۔ یہ آمدنی نئی گاڑیوں کی رجسٹریشن کے دوران حکومت کو حاصل ہوتی ہے ۔ گزشتہ سال کے مقابلے اس سال ریونیو میں 5 فیصد سے زائد کمی ہوئی ہے ۔ الیکٹرک گاڑیوں کے لیے لائف ٹیکس سبسیڈی کا اثر پڑا ہے ۔ یہ سبسیڈی 155.83 کروڑ سبسیڈی تھی پچھلے سال ریکارڈ کی گئی اور اس سال 659.40 کروڑ روپئے ریکارڈ کی گئی ۔ ٹریفک چالانات جو ٹریفک کی خلاف ورزیوں پر جاری کئے گئے چالانات سے ہونے والی آمدنی میں 153 فیصد سے زائد کا اضافہ ہوا ہے ۔ اس میں اضافہ کی وجہ واضح طور پر سامنے نہیں آئی کہ قانون کی خلاف ورزیوں میں اضافہ ہوا ہے یا پھر پولیس کی چیکنگ میں اضافہ ہوا ہے یا پھر چالانات کے لیے ٹکنالوجی کا استعمال اس اضافے میں اپنا اثر رکھا رہا ہے ۔ جنوری 2026 تک 7207.48 کروڑ کا حکومت نے ہدف مقرر کیا تھا لیکن موصول ہونے والی آمدنی 6057.23 کروڑ کا محکمہ ٹرانسپورٹ نے 84.04 فیصد حاصل کیا ہے ۔ اگرچہ لائف ٹیکس کے ذریعے 4988.07 کروڑ روپئے حاصل ہورہے ہیں ۔ لیکن 3943.69 کروڑ روپئے ہی حاصل ہوئے ۔ گزشتہ سال کی آمدنی سے بھی کم ہے ۔۔ ش
