حیدرآباد۔ پریشان حال خاتون کی مدد کے نام پر اس کا منگل سوتر چھیننے والے سارق کو پولیس نے گرفتار کرلیا۔ شمس آباد پولیس کے مطابق20 مئی کو ایک ضعیف خاتون شاہ آباد سے اپنے گاؤں گوپی گڈہ پیدل جارہی تھی کہ اس دوران ایک موٹر سائیکل سوار نے خاتون کو لفٹ دے کر اس کی طلائی چین کی رہزنی کی تھی۔ پولیس نے شکایت کے فوری بعد مقدمہ درج کرتے ہوئے اس نامعلوم موٹر سائیکل سوار کی تلاش شروع کردی تھی جو آج گرفتار کرلیا گیا۔ پولیس نے بتایا کہ ملزم راجو ساکن جیلا میڈا کو گرفتار کرتے ہوئے اس کے قبضہ سے مسروقہ منگل سوتر کو ضبط کرلیا۔
