جنیوا/نئی دہلی،7۔اپریل(سیاست ڈاٹ کام)عالمی تنظیم صحت نے مذہب یا نسل کی بنیاد پر کورونا وائرس ’کووڈ ۔ 19‘کے مریضوں کی درجہ بندی نہ کرنے کی ہدایت دی ہے ۔ڈبلیو ایچ او کی پریس کانفرنس میں ، تنظیم کے ہیلتھ ڈیزاسٹر پروگرام کے ایگزیکٹیو ڈائرکٹر مائیکل ریان نے کہا ، گر کوئی کووڈ 19 سے متاثر ہو جاتا ہے تو ، اس میں اس کی کوئی غلطی نہیں ہے۔ کورونا کے مریضوں کی نسل ، مذہب یا عقائد کی بنیاد پردرجہ بندی نہیں کی جانی چاہئے ۔انہوں نے یہ بات ایک ہندوستانی صحافی کے ذریعہ دہلی کے نظام الدین مرکز سے کثرت سے کورونا کے پھیلاؤ پر سوال کے جواب میں کہی۔مسٹر ریان نے کہا کہ ڈبلیو ایچ او اسلامی اور دیگر مذہبی رہنماؤں کے ساتھ رابطے میں ہے اور مذہبی فرائض(رمضان المبارک) کو ملتوی کرنے کیلئے ان سے تبادلہ خیال کر رہا ہے ۔ ماہ رمضان کے حوالے سے ہدایات بھی تیار کی جارہی ہے ۔انہوں نے طبی عملے پر حملوں کے واقعات کو ناقابل قبول قرار دیا۔
