حیدرآباد۔ 12فروری (یو این آئی) مرکزی حکومت کے مشن اندرادھنش کے لئے تلنگانہ کے تین اضلاع آصف آباد، مُلگ اور کھمم کا انتخاب کیاگیا ہے ۔مرکز نے 2015 میں اس مشن کا آغاز کیا تھا تاکہ حاملہ خواتین اور دوسال کی عمر تک کے بچوں کو صد فیصد ٹیکہ اندازی کو یقینی بنایاجاسکے ۔اس مشن کا مقصد ٹیکہ اندازی سے شرح موت کو کم کرنا اور بیماریوں سے بچنے کیلئے قوت مدافعت پیداکرنا ہے ۔اس مشن کے دوسرے حصہ کا آغازگزشتہ سال دسمبر میں کیاگیا تھا اس نئے مشن کے ٹیکہ اندازی پروگرام کے تحت مزید8بیماریوں بشمول دفھتیریا، ٹٹینس، پولیو، میزلس کی ٹیکہ اندازی ملک کے مختلف علاقوں میں انجام دی گئی۔ڈاکٹر مُراری میڈیکل آفیسر عالمی تنظیم صحت نے کہا کہ تلنگانہ کے تین قبائلی اضلاع کا انتخاب اس مشن کے تحت کیاگیا ہے ۔
