کولکتہ ۔ مغربی بنگال میں بی جے پی کو آج اس وقت شدید دھکہ پہنچا جب اس پارٹی کے رکن پارلیمنٹ و سابق مرکزی وزیر بابل سپریو ترنمول کانگریس میں شامل ہوگئے۔ بتایا جاتا ہے کہ حالیہ دنوں مرکزی کابینہ میں توسیع کے دوران بابل سپریو کو نکال دیاگیا تھا جس کے بعد سے وہ پارٹی قیادت سے ناراض تھے اور انہوںنے سیاست سے سبکدوش ہو جانے کا بھی اعلان کیا تھا۔ تاہم آج اچانک ترنمول کانگریس میں شامل ہوگئے۔
