بی جے پی دھاندلی کے ذریعہ اقتدار پر ہے، مودی حکومت کی 11 سالہ کارکردگی پر ہم بحث کیلئے تیار ہیں
سنگاریڈی 28 نومبر (سیاست ڈسٹرکٹ نیوز )جگا ریڈی ورکنگ پریسیڈنٹ تلنگانہ پردیش کانگریس کمیٹی نے میڈیا سے بات چیت کرتے ہوئے بی جے پی اور وزیرِ اعظم مودی پر سخت تنقید کی اور کہا کہ کانگریس قیادت نے ملک کی ترقی میں تاریخی کردار ادا کیا ہے، جس کا بی جے پی مقابلہ نہیں کر سکتی۔ جگا ریڈی نے الزام عائد کیا کہ بی جے پی ‘‘دھاندلی والے ووٹوں’’ کی بدولت اقتدار میں آئی ہے اور مسلسل عوام کو گمراہ کر رہی ہے۔ انہوں نے کہا کہ ‘‘گیارہ سال کی مودی حکومت کی کارکردگی پر بحث کے لیے ہم تیار ہیں، لیکن بی جے پی میں اتنی ہمت نہیں کہ وہ کانگریس خاندان کی ترقیاتی خدمات کا سامنا کر سکے جگا ریڈی نے نہرو، اندرا گاندھی، راجیو گاندھی اور سونیا راہول گاندھی خاندان کی خدمات کا تفصیل سے ذکر کیا۔ ان کا کہنا تھا نہرو نے ایف سی آئی قائم کرکے ملک میں غذائی تحفظ کو یقینی بنایا۔اندرا گاندھی نے بینکوں کو قومیایا، غریبوں میں زمینیں تقسیم کیں اور دیہی ترقی کی بنیاد رکھی۔راجیو گاندھی نے 18 سال کی عمر میں ووٹ کا حق دیا اور آئی ٹی انقلاب کی راہ ہموار کی۔سونیا گاندھی اور راہول گاندھی نے نریگا جیسے روزگار اسکیموں کے ذریعہ ملک کے غریب عوام کی مدد کی۔تلنگانہ ریاست کانگریس اور راہول گاندھی کی مرہون منت ہے۔انہوں نے کہا کہ ‘‘ایسی طویل قربانیوں اور خدمات رکھنے والے خاندان کو تین نشستوں پر سوال اٹھانا بی جے پی رہنماؤں کی ناسمجھی ہے۔’’بی جے پی قیادت پر تنقید کرتے ہوئے بی جے پی ڈاکٹر لکشمن سے کہا کہ بی جے پی کے 40 سال ہوئے جبکہ کانگریس کی تاریخ 140 سال پر مشتمل ہے مودی اور امیت شاہ نے آزادی کی جدوجہد میں کوئی کردار ادا نہیں کیا، اور نہ ہی ملک کے لیے کوئی بڑی قربانی دی ہے۔’’انہوں نے سوال اٹھایا کہ مودی نے 12 سال کی حکومت میں کوئی بڑی صنعت، منصوبہ یا معاشی تبدیلی لانے کا ثبوت نہیں دیا تلنگانہ میں کانگریس حکومت کے اقدامات کا دفاع کرتے ہوئے جگا ریڈی نے کہا مفت بس سروس کامیاب ہے،ریاست بھر میں سستا چاول تقسیم ہو رہا ہے راشن کارڈز جاری کیے جا رہے ہیں،سلنڈر کی قیمت 500 روپے،اور غریبوں کے لیے مختلف اسکیمیں نافذ کی جا رہی ہیں۔انہوں نے کہا کہ راہول گاندھی کی ہدایت پر وزیرِ اعلیٰ ریونت ریڈی عوامی وعدے پورے کر رہے ہیں جگا ریڈی نے کہا کہ وہ ‘‘ناراض ہونے والا کمزور لیڈر نہیں’’ اور سیاسی سوالات کا جواب دینے کی پوری صلاحیت رکھتے ہیں۔