جناب محمد سلیم صدر نشین حج کمیٹی و جناب بی شفیع اللہ ایگزیکٹیو آفیسر حج کمیٹی کا بیان
حیدرآباد ۔ 11اپریل (پریس نوٹ) جناب محمد سلیم صدر نشین تلنگا نہ اسٹیٹ حج کمیٹی جناب بی شفیع اللہ (آئی ایف ایس) ایگزیکٹیو آفیسر حج کمیٹی نے ایک مشترکہ صحافتی بیان میں کہا کہ تلنگا نہ اسٹیٹ سے 5278 عازمین حج کا آن لائن ڈرا (قرعہ) کے ذریعہ انتخاب عمل میں آیا ۔ منتخب عازمین حج کو چاہئیے کہ وہ چہارشنبہ /12اپریل کو اپنی پہلی قسط ادا کرلیں۔ بعد ادائیگی کے ڈائون لوڈ کی گئی حج درخواست اور ڈیکلریشن کی کاپی ، حج کمیٹی آف انڈیا کے تجویز کردہ پروفورما کے میڈیکل سرٹیفکیٹس جن پر سرکاری میڈیکل آفیسریا سرکاری ڈاکٹر کی دستخط لازمی ہے داخل کریں ۔جناب محمد سلیم صدر نشین تلنگا نہ اسٹیٹ حج کمیٹی نے عازمین حج سے درخواست کی کہ وہ مقدس سفر حج کیلئے جون 2023 میں حج کیلئے تیا ر رہیں۔منتخب عازمین حج کو چاہئیے کہ وہ حج کی پہلی قسط کی ا دائیگی کے بعد اصل انٹر نیشنل پاسپورٹ ، حج درخواست فارم کی کاپی، میڈیکل سر ٹیفکیٹ، پے مینٹ سلپ،دو عدد پاسپورٹ سائز فوٹوزجسکا پس منظر سفید ہو، کوویڈ 19 سر ٹیفکیٹ اور بینک کی تفصیلات تلنگا نہ اسٹیٹ حج کمیٹی میں جمعہ 14اپریل سے قبل جمع کروادیں۔ انہوں نے مزید بتایا کہ حج کی پہلی قسط کی رقم81,800 روپئے اسٹیٹ بینک آف انڈیا یا یو نین بینک آف انڈیا کے ذریعہ ادا کی جائے۔ آن لائن چالان www.hajcommittee.gov.inسے ڈائون لوڈ کرسکتے ہیں ۔مزید تفصیلات کیلئے www.hajcommittee.gov.inیافون نمبر 040-23298793 پراوقات دفتر صبح 10:30تا 4بجے شام کے درمیان ربط پیدا کریں یا براہ راست آفس حج ہائوز ،نامپلی ، حیدرآباد پر رجوع ہوں۔
