کابل:افغانستان کے دارالحکومت کابل میں ایک منی بس میں دھماکا ہوا ہے جس کے نتیجے میں 3 افراد جاں بحق اور 4 زخمی ہوگئے۔میڈیا رپورٹس کے مطابق کابل پولیس کے ترجمان خالد زدران نے بتایا کہ آج مقامی وقت کے مطابق سہ پہر 3:50 بجے کابل کے پولیس ڈسٹرکٹ 16 میں ایک منی بس میں دھماکا ہوا جس کے نتیجے میں 3 افراد جاں بحق اور 4 زخمی ہوگئے۔پولیس افسر نے مزید بتایا کہ پولیس نے دہشت گردانہ حملے میں ملوث ہونے کے الزام میں ایک شخص کو گرفتار کیا ہے۔خیال رہے کہ افغانستان میں ہفتے کے روز ایک حملے میں پانچ افراد جاں بحق اور 15 زخمی ہوگئے تھے جبکہ داعش نے اس حملے کی ذمہ داری قبول کی تھی۔