امپھال، 22 جون (یو این آئی) منی پور پولیس اور سیکورٹی فورسز نے یہاں اضلاع سے بڑی مقدار میں ہتھیار، گولہ بارود، دھماکہ خیز مواد اوراسٹریٹجک سامان برآمد کرکے ایک عسکریت پسند کو گرفتار کیا ہے ۔سرچ آپریشنز اور ایریا کنٹرول آپریشنز تیز کر دیے گئے ہیں۔ امن و استحکام کی بحالی کے لیے چلائی جا رہی کارروائیوں کے حصے کے طور پرریاست کے مختلف اضلاع سے بڑی مقدار میں اسلحہ، گولہ بارود، دھماکہ خیز مواد اور اسٹریٹجک آلات برآمد کئے گئے ہیں۔ اس کے علاوہ ایک سرگرم عسکریت پسند کو گرفتار کیا گیا ہے ۔ایک اہم پیش رفت میں، امپھال مغربی ضلع کے میانگ امپھال پولیس اسٹیشن کے تحت میانگ امپھال تھانہ ممانگ تھونگ کھونگ سے ایک دہشت گرد کو گرفتار کیا گیا۔تھوبل ضلع کے یایریپوک پولیس اسٹیشن کے تحت گواروک مہادیو کے نشیب میں سیکورٹی فورسز نے ایک بڑا ذخیرہ برآمد کیا جس میں سیلف لوڈنگ رائفل (ایس ایل آر) میگزین کے ساتھ، ایک ایس ایم جی کاربائن، ایک 9 ایم ایم پستول، تین نمبر 36 ہائی ایکسپلوسیو گرنیڈ اور 303، 5.56 ایم ایم، 9 ایم ایم اور 7.62 ملی میٹر راؤنڈ سمیت مختلف قسم کے گولہ بارود شامل ہیں ۔اضافی برآمدگی میں ڈیٹونیٹرز، آرمنگ رِنگز، ٹیوب لانچرز، وائرلیس ہینڈ سیٹس، ہیلمٹ اور ایک ڈبلیو پی گرین 80 ایم کے گرینیڈ شامل ہیں۔
