نئی دہلی۔ 27فروری ( سیاست ڈاٹ کام) وزیر اعظم نریندر مودی نے کرناٹک کے وزیر اعلی بی ایس یدی یورپا کی سالگرہ کے موقع پر جمعرات کو انہیں مبارک باد دی ۔مسٹر مودی نے ٹوئٹر پر اپنے تہنیتی پیغام میں لکھا‘‘ کرناٹک کے محنتی وزیر اعلی بی ایس یدی یورپا جی کو سالگرہ پر دل کی گہرائیوں سے مبارک باد ۔ وہ ریاست کی تعمیر و ترقی ، بالخصوص کسانوں کی فلاح و بہبود اور دیہی علاقوں کی ترقی کے لئے مسلسل کام کر رہے ہیں ۔ میں ان کی لمبی عمر اور اچھی صحت کا متمنی ہوں ’’ ۔ مسٹر یدی یورپا کی پیدائش 27 فروری 1943 کو کرناٹک میں ہوئی تھی ۔