آج بھارت کی طرف کوئی بھی آنکھ اٹھاکر دیکھنے کی جرأت نہیں کرسکتا، یوگی کا دعویٰ
لکھنؤ: اترپردیش کے وزیر اعلی یوگی آدتیہ ناتھ نے پیر کو کہا کہ وزیر اعظم نریندر مودی کے میعاد کار میں ہندوستان پوری دنیا میں ایک خودکفیل اور مستحکم ملک کے طور پر آگے بڑھتا نظر آرہا ہے اور وہ دن دور نہیں جب ہندوستان تیسری بڑی عالمی معیشت بننے کے ہدف کو نہ صرف حاصل کرلے بلکہ سوپرپاور کے طور پر خود کو قائم کرکے دنیا کی قیادت کرے گا۔ یوگی نے یہاں ایک ہوٹل میں منعقد پریس کانفرنس میں کہا کہ مودی کی سروس، بہتر حکمرانی اور غریب بہبود کے ماڈل کی پوری دنیا قائل ہوچکی ہے ۔ گذشتہ نو سال کے میعاد کار میں دنیا نے نئے ہندوستان کا دیدار کررہی ہے ۔ اندرونی اور باہری سیکورٹی مضبوط انفراسٹرکچر، ایز آف ڈوئنگ بزنس اور ڈیجیٹلائزیشن کی بدولت کام کاز میں شفافیت کی وجہ سے ہندوستان دنیا کا پسندیدہ سرمایہ کاری کا مقام بن کر تیزی سے ابھررہا ہے ۔ ہندوستان نے خود کو پانچویں معیشت کے طور پر قائم کیا ہے اور وہ دن دور نہیں جب ہندوستان نہ صرف دنیا کی تیسری بڑی معیشت بنے گا بلکہ سوپر پاور بن کر پوری دنیا کی قیادت کرے گا۔ انہوں نے کہا کہ عالمی سطح پر ہندوستان کی ساکھ میں اضافہ ہوا ہے ، مثال کے طور پر پاپوا نیو گنی کے وزیر اعظم نے نہ صرف پروٹوکول توڑ کر وزیر اعظم نریندر مودی کا شام کے بعد استقبال کیا بلکہ ان کے پاؤں چھو کر ان کو خوش آمدید کہا۔ یہ پہلا موقع ہے کہ کسی خودمختار ملک نے اپنے ہم منصب کو اس انداز میں مبارکباد دی ہے ۔ انہوں نے کہا کہ مودی کے دور اقتدار میں ملک کی اندرونی اور بیرونی سلامتی کو مضبوط کیا گیا ہے ۔ آج کوئی بھارت کی طرف آنکھ اٹھا کر دیکھنے کی جرات نہیں کر سکتا۔ سابق وزیر اعظم اٹل بہاری واجپائی نے کہا تھا کہ پڑوسیوں کو تبدیل نہیں کیا جا سکتا۔ ان کے نقطہ نظر کے مطابق بھارت اپنے پڑوسی ممالک کے بارے میں مثبت رویہ رکھتا ہے ۔ ملک کی سرحدوں کو محفوظ اور مضبوط کیا گیا ہے ۔ داخلی سلامتی کی صورتحال مضبوط ہوئی ہے ۔ جموں و کشمیر ہو یا شمال مشرق، ہم نے نکسل انتہا پسندی، ماؤ ازم، علیحدگی پسندی اور دہشت گردی پر فیصلہ کن کنٹرول حاصل کیاہے ۔ وزیر اعلیٰ نے کہا کہ آج ہندوستان میں عالمی معیار کا بنیادی ڈھانچہ موجود ہے ۔ آزادی کے 70 سال بعد جہاں ملک میں صرف 74 ائیر پورٹ تھے وہیں گزشتہ نو سالوں میں 74 نئے ائیر پورٹ وجود میں آئے ہیں۔ فضائی رابطے کے علاوہ شاہراہوں، ایکسپریس ویز، آبی گزرگاہوں، ریلوے اور لاجسٹکس کے شعبوں میں بے مثال تبدیلیاں دیکھنے کو مل رہی ہیں۔ ریپڈ ریل، نئی بندرگاہیں بن رہی ہیں۔ ملک میں نئے ایمس بنائے جا رہے ہیں۔ اتر پردیش کو دو نئے ایمس ملے ہیں۔ صحت کے بنیادی ڈھانچے کو مضبوط کیا گیا ہے ۔ ہر طبقے کے لیے ملک کی امنگوں کے مطابق انفراسٹرکچر تیار کیا جا رہا ہے ۔ یوگی نے کہا کہ وزیر اعظم نریندر مودی کی قیادت میں بلا تفریق غریبوں کی فلاح و بہبود کی اسکیموں کو سب کا وکاس کے جذبے سے نافذ کیا جارہا ہے ۔ جن دھن سے شروع ہونے والی اسکیم نے دیکھتے ہی دیکھتے کافی وسعت حاصل کرلیا ہے ۔ ملک میں 45 کروڑ سے زائد غریبوں کے کھاتے کھولے گئے ۔ اس سے جو تبدیلی نظر آئی وہ ناقابل تصور ہے ۔ یوپی کو اس کا سب سے زیادہ فائدہ ہوا۔ یوپی میں ساڑھے آٹھ کروڑ سے زیادہ بینک کھاتے کھولے گئے ۔ اس کے نتیجے میں ڈی بی ٹی کا فائدہ مل رہا ہے ۔ یہ کرپشن پر سب سے بڑا حملہ ہے ۔ اسکیموں کے فنڈ براہ راست غریبوں، کسانوں اور مزدوروں کے کھاتوں میں پہنچ رہے ہیں۔