ریاض۔ 16 اگست (ایجنسیز) مکہ مکرمہ میں منشیات اسمگلنگ کے جرم میں ایک افغان شہری کو سزائے موت دے دی گئی۔ سعودی وزارت داخلہ کے مطابق افغان شہری غلام رسول فقیر پر مملکت میں ہیروئن اسمگل کرنے کا الزام تھا۔ عدالت نے جرم ثابت ہونے پر اسے سزائے موت سنائی۔ سعودی وزارت داخلہ کے مطابق مجرم کی جانب سے سپریم کورٹ میں اپیل کی گئی تاہم عدالت نے سزائے موت کا فیصلہ برقرار رکھا۔ آج بروز ہفتہ مجرم کو مکہ مکرمہ میں سزائے موت دے دی گئی۔ سعودی وزارت داخلہ نے خبردار کیا ہیکہ مملکت میں منشیات کے خلاف سخت سزائیں نافذ ہیں، جو بھی ایسا جرم کریگا کہ قانون کے مطابق سزا اس کا مقدر ہوگی۔
