نئی دہلی: مہاراشٹر کے ساتھ جاری سرحدی تنازعہ کے درمیان، کرناٹک حکومت علامتی طور پر بیلگاوی میں اسمبلی کا خصوصی اجلاس بلانے جا رہی ہے۔ یہ اجلاس پیر سے شروع ہوگا۔ سووارنا ودھان سودھا میں پیر کو صبح 11 بجے سیشن شروع ہوگا۔ کرناٹک حکومت نے بیلگاوی میں دوسری اسمبلی بھی بنائی ہے، جہاں یہ خصوصی اجلاس سال میں ایک بار ہوتا ہے۔ بیلگاوی کرناٹک حکومت کے لیے بھی خاص ہے کیونکہ یہ مہاراشٹر کی سرحد سے متصل ہے۔ اور یہاں رہنے والے زیادہ تر لوگ مراٹھی ہیں۔ ایسا اس لیے کیا گیا ہے کہ حکومت بیلگاوی میں رہنے والے مراٹھی لوگوں کو بتا سکے کہ وہ انہیں اپنا سمجھتے ہیں۔ بیلگاوی کو 1956 میں کرناٹک میں شامل کیا گیا تھا۔ تاہم، جب سے بیلگاوی کو کرناٹک میں ضم کیا گیا ہے، مہاراشٹر اس پر اعتراضات اٹھا رہا ہے۔
