نئی دہلی : کانگریس کے سابق صدر راہول گاندھی اور اتر پردیش پارٹی کی جنرل سکریٹری انچارج پرینکا گاندھی نے آج وزیر اعظم نریندر مودی پر راست حملہ کرتے ہوئے کہا کہ انہیں مہنگائی اور بے روزگاری نظر نہیں آتی اور وہ لوگوں کو گمراہ کر رہے ہیں۔ انہوں نے کہا کہ مودی کو عوام کوگمراہ کرنے ، توہم پرستی پھیلا کر عوامی مفاد کے خلاف اپنے کاموں کو چھپانے کی کوشش کرنے کے بجائے عوام کو جواب دینا چاہئے ۔ راہول نے کہا کہ وزیر اعظم کو مہنگائی نظر نہیں آتی، بے روزگاری نظر نہیں آتی، اپنے کالے کارناموں کو چھپانے کے لیے ‘کالا جادو’ جیسی توہم پرستانہ باتیں کر کے وزیر اعظم کے عہدے کے وقار کو گرانا اورملک کو گمراہ کرنا بند کیجئے ، وزیراعظم جی۔ عوام کے مسائل کا جواب دینا ہی پڑے گا۔اس کے ساتھ ہی پرینکا گاندھی نے مہنگائی کے تعلق سے مودی پر تنقید کرتے ہوئے کہا ‘کہ پ ادھر ادھر کی بات نہ کریں، بتائیے مہنگائی بڑھا کر کیوں لوٹا، عوام کو کالے کپڑوں سے گلہ نہیں، آپ کی رہبری پر سوال ہے ۔
