سیئول۔7 اگست (سیاست ڈاٹ کام)شمالی کوریا کے رہنما کم جونگ نے حال ہی میں اپنے ملک کے میزائل تجربے کو امریکہ اور جنوبی کوریا کی مشترکہ فوجی مشق کا ردعمل قرار دیا ہے ۔ کوریائی سینٹرل نیوز ایجنسی نے چہارشنبہ کو کہا کہ مسٹر کم نے میزائلوں کے کامیاب تجربہ کی بھی تعریف کی ہے ۔ جنوبی کوریا کے جوائنٹ چیف آف اسٹاف نے منگل کے روز کہا تھا کہ شمالی کوریا نے نامعلوم دو بار جاپان کے سمندر میں تجربہ کیا۔ اس سے قبل بھی شمالی کوریا نے دو ہفتے سے بھی کم وقت میں کم دوری کے تین میزائلوں کا تجربہ کیا تھا۔ واضح رہے کہ امریکہ اور جنوبی کوریا نے پیر کو متحدہ فوجی مہم کا آغاز کیا۔ شمالی کوریا کی جانب سے نیوکلیئر مذاکرات کو پٹری سے اتارنے کے انتباہ کے بعد اگرچہ اس مشق کو کم اہمیت دی جا رہی ہے ۔