ابوجا، 22 جون (سیاست ڈاٹ کام) نائجیریا کے شورش زدہ شمال مغربی ریاست زمفارا میں ایک مسلح گروہ کے حملے سے کم از کم 18 افراد ہلاک ہو گئے ہیں اور کئی دیگر افراد زخمی ہوئے ہیں۔ قومی حکومت کے نمائندے نے جمعہ کو یہ اطلاع دی۔پارلیمنٹ میں اس علاقے کے سرکاری نمائندے کبیر مائی پیلس نے بتایا کہ کم از کم 50 موٹر سائیکل سے آئے مسلح افراد نے جمعرات دیر رات تسافے میں تین فرقوں کے لوگوں پر حملہ کیا۔ انہوں نے اس واقعہ کو افسوسناک اور تشویشناک بتایا۔تسافے کے امیر محمد باوا نے بتایا کہ مسلح افراد نے لوگوں پر اندھا دھند فائر نگ کی، جس کی وجہ سے کم از کم 18 افراد ہلاک ہوئے اور کئی دیگر افراد زخمی ہو گئے ۔ انہوں نے بتایا کہ اس علاقے میں سکیورٹی ایک سنجیدہ موضوع ہے کیونکہ مسلح گروہ آزادانہ طور پر مقامی فرقوں کے درمیان اپنی سرگرمیاں چلا رہا ہے ۔
