نارائن پیٹ ۔21 نومبر ۔ ( سیاست ڈسٹرکٹ نیوز) نارائن پیٹ ٹاؤن میونسپل مستقر کے وارڈ نمبر 9 میں بی آر ایس پارٹی امیدوار مسٹر ایس راجندر ریڈی کی انتخابی مہم میں حصہ لیتے ہوئے راجندر ریڈی کی اہلیہ سواتی ریڈی اور اُن کی دختر سری نندیکا ریڈی نے عوام سے گھر گھر جاکر ملاقات کی اور بی آر ایس حکومت کی فلاحی و ترقیاتی اسکیمات کی وضاحت کی ۔ انھوں نے رائے دہندگان سے راجندر ریڈی کو ووٹ دینے کی اپیل کی ۔ اس پروگرام میں مختلف وارڈکونسلرس ، مقامی عوامی نمائندوں ، بی آر ایس پارٹی قائدین اور کارکنوں کی بڑی تعداد نے شرکت کی ۔
