نارائن پیٹ۔ 28 نومبر ( سیاست ڈسٹرکٹ نیوز) ضلع کلکٹر نارائن پیٹ شریمتی سکتہ پٹنائک نے مشورہ دیا ہے کہ بے یار و مدد گار بچوں کی باز آبادکاری کے لیے اقدامات کیے جائیں۔آج ضلع خواتین کی ترقی اور بچوں کی بہبود کے محکمہ کے زیراہتمام، کلکٹر سکتا پٹنائک نے کلکٹریٹ میں اپنے چیمبر میں ضلع ایڈیشنل کلکٹر لوکل باڈیز سنچیت گنگوار کے ساتھ “زچگی ایک نعمت ہے ۔ گود لینا ایک اور طریقہ ہے ‘‘سے متعلق وال پوسٹر جاری کیا۔ اس موقع پر خطاب کرتے ہوئے کلکٹر نے کہا کہ مرکزی اور ریاستی حکومتوں کی ہدایات کے مطابق نومبر کا مہینہ ہر سال گود لینے کے مہینے کے طور پر منایا جاتا ۔ بچوں کی غیر قانونی خرید و فروخت نہ کی جائے بلکہ انہیں قانون کے مطابق گود لیا جائے۔ جو لوگ پیدائش کے بعد بچے نہیں چاہتے وہ محکمہ خواتین و اطفال بہبود کے دفتر سے رابطہ کریں اور اپنے بچوں کو حوالے کریں۔ انہوں نے کہا کہ گود لینے کی درخواست گھر سے www.cara.wcd.gov.in (یا) www.missionvatsalya.wcd.gov.in پر آن لائن دی جا سکتی ہے۔ درخواست دہندگان کو اپنا پین کارڈ، جوڑے کی تصاویر (4×6) کا سائز – رہائش کا ثبوت (آدھار کارڈ؍ووٹر شناختی کارڈ؍پاسپورٹ؍ ڈرائیونگ لائسنس) اور آمدنی کا ثبوت (تنخواہ کی پرچی؍ آئی ٹی ریٹرن)، شادی کا سرٹیفکیٹ (رجسٹریشن آفس سے)، پیدائش کا سرٹیفکیٹ، (دونوں جوڑے) کا میڈیکل سرٹیفکیٹ جس میں یہ بتایا گیا ہو کہ جوڑے یا دونوں میں کوئی بڑی اور مہلک بیماریاں نہیں ہیں۔ گود لینے کے لیے درخواست کے وقت 6,000 ڈی ڈی کی شکل میں حکومت کو ادا کرنے ہوں گے۔ پروگرام میں ڈسٹرکٹ میڈیکل ہیلتھ آفیسر ڈاکٹر جیہ چندر موہن، ڈی سی پی او کرشمہ، ہیلتھ آفیسر بکشا پتی نے شرکت کی۔
