کابل : مغربی دفاعی اتحاد ناٹو نے فی الحال افغانستان میں اپنا عسکری مشن جاری رکھنے کا فیصلہ کیا ہے۔ جرمن نیوز ایجنسی ڈی پی اے کے مطابق جرمنی اور دیگر اتحادی ممالک اپنے دس ہزار فوجی ابھی افغانستان سے نہیں نکالیں گے۔ قبل ازیں ناٹو کے جنرل سیکریٹری ڑینس اشٹولٹن برگ نے قدامت پسند طالبان پر عدم اعتماد کا الزام عائد کیا تھا۔ ان کا کہنا تھا کہ طالبان کو اپنے وعدے کے مطابق تشدد میں کمی لانے کے ساتھ ساتھ دہشت گرد گروپوں سے روابط ختم کرنا ہوں گے۔