بی جے پی کو شکست دینے کی صلاحیت رکھنے امیدواروں کی حمایت: جماعت اسلامی
نرمل۔ 24 نومبر (سیاست ڈسٹرکٹ نیوز) جماعت اسلامی ہند نرمل نے بی آر ایس پارٹی امیدوار حلقہ اسمبلی نرمل اے اندرا کرن ریڈی کے علاوہ بی آر ایس پارٹی قائدین اور سینکڑوں کی تعداد میں موجود عوام کے سامنے اسمبلی انتخابات میں حلقہ اسمبلی نرمل سے سے بی آر ایس پارٹی امیدوار اے اندرا کرن ریڈی کی تائید کا اعلان کر دیا اس موقع پر اسلامک سنٹر نرمل پر منعقدہ اے اندرا کرن ریڈی کے تائیدی جلسہ سے صدارتی خطاب کرتے ہوئے ناظم ضلع جماعت اسلامی ہند نرمل محمد منظور محی الدین نے کہا کہ جماعت اسلامی ہند ملک کی ایک معروف ومنظم تحریک ہے جو ہمیشہ ہی سے ملک میں امن و امان کی برقراری آپسی بھائی چارگی کو فروغ دیتی ہے انہوں نے بتایا کہ پچھلے انتخابات میں جماعت اسلامی ہند کی جانب سے ریاستی سطح پر کسی ایک سیکولر سیاسی پارٹی کی تائید کی جاتی رہی لیکن اس مرتبہ جماعت اسلامی ہند ریاست تلنگانہ کے شوری میں یہ طئے پایا ہے کہ ملک کے موجودہ صورتحال کے پیش نظر حلقہ واری سطح پر سیکولر اور ایسے امیدواروں کی تائید کی جائے جو فرقہ پرست و فسطائیت بی جے پی کے امیدوار کو شکست دینے کی صلاحیت رکھتا ہو لحاظ جماعت اسلامی ہند نرمل نے حلقہ اسمبلی نرمل کے تمام منڈلس اور نرمل ٹاؤن کا باریک بینی سے سروے کیا بعد سروے طئے پایا کہ حلقہ اسمبلی نرمل سے بی آر ایس پارٹی امیدوار کی تائید کی جائے۔ اس سروے کی رپورٹ کو حلقہ کو روانہ کیا گیا حلقہ نے سروے رپورٹ کا تمام پہلوؤں کا جائزہ لیا اور حلقہ اسمبلی نرمل سے بی آر ایس پارٹی امیدوار اے اندرا کرن ریڈی کی تائید کرنے کی منظوری دیدی اے اندرا کرن ریڈی نے جماعت اسلامی ہند نرمل کی جانب سے اسمبلی انتخابات میں انکی تائید پر شکریہ ادا کیا اور کہا کہ علحدہ ریاست تلنگانہ کے قیام کے بعد ریاست تلنگانہ میں امن و امان کی برقراری کیلئے بی آر ایس حکومت نے اقدامات کئے۔ جلسہ سے امیر مقامی جماعت اسلامی ہند نرمل محمد مجاہد، رکن جماعت اسلامی ہند نرمل غلام درانی نے بھی خطاب کیا۔