متاثرین کی امداد کیلئے سماجی کارکن شیخ یونس کی لوک عدالت کو یادداشت
نظام آباد ۔ نظام آباد رورل منڈل کے سارنگ پور سی آر پی ایف کیمپ کے علاقہ میں واقع شکم کی اراضی سروے نمبر 231 کا غلط سروے نمبر بتاتے ہوئے رئیل اسٹیٹ کے دو تاجروں نے شکم کی اراضی کو وینچر میں شامل کرتے ہوئے فروخت کردیا تھا ۔ اشفاق احمد خان کی جانب کی گئی شکایت پر ریونیو کے عہدیداروں نے اراضی کا سروے کرتے ہوئے 10 ایکر 8 گنٹے اراضی کی کھدوائی کرتے ہوئے قبضہ میں لے لیا تھا اور رئیل اسٹیٹ کے تاجرین کی دھوکہ دہی کے بعد محکمہ صحت عامہ کے ملازم محمد سلیم کے رشتہ داروں کی جانب سے کی گئی شکایت پر 6th ٹاون پولیس نے مقدمہ درج کیا تھا ۔ رئیل اسٹیٹ کے تاجرین کی دھوکہ دہی سے متاثرہ افراد کی امداد کیلئے سماجی کارکن شیخ یونس لوک الوکت سے رجوع ہوتے ہوئے تحریری طور پر حلف نامہ داخل کیا ۔، نظام آباد کے سی آر پی ایف کی اراضی کا معاملہ دن بہ دن طول پکڑتے جارہا ہے ۔ متاثرہ افراد کی مدد کیلئے ہر گوشہ سے تائید کرنے کیلئے سماجی کارکن تیار ہو رہے ہیں ۔ تاکہ متاثرہ افراد کی مدد کی جاسکے ۔