لانڈر ہل۔4 اگست (سیاست ڈاٹ کام) ہندوستانی کپتان وراٹ کوہلی نے ویسٹ انڈیز کے خلاف ہندستان کو ملی سخت جیت کے ہیرو اور ڈیبو کرنے والے کھلاڑی فاسٹ بولر نودیپ سینی کی تعریف کرتے ہوئے ان کی صلاحیت غیر معمولی بتایا ہے ۔ہندستان نے ویسٹ انڈیز کے خلاف امریکہ کے لانڈرھل میں پہلے ٹوئنٹی 20 میچ میں چار وکٹ سے جیت درج کی تھی جس میں نودیپ کا اہم کردار رہا تھا۔ ویسٹ انڈیز کو ہندستان نے مقررہ اوورز میں نو وکٹ پر صرف 95 رنز ہی بنانے دیے ۔ اگرچہ آسان ہدف کے سامنے خود بھی اس نے 98 رن پر اپنے چھ وکٹ گنوائے ۔ اگرچہ وہ جیت درج کرنے میں کامیاب رہا۔مین آف دی میچ رہے نودیپ نے اپنے ڈیبو میچ میں ہی کافی متاثر کن گیند بازی کی اور 17 رن پر تین وکٹ نکالے ۔ میچ کے بعد کپتان نے کہاکہ نودیپ کی زبردست گیند بازی کی بدولت ویسٹ انڈیز کو ہندستان نے صرف 95 رن پر روک دیا۔ ہم نے ہدف کا تعاقب کرنے میں اگرچہ اچھی کارکردگی نہیں کی اور بلے سے ہمارا کھیل بہت کمزور رہا لیکن نودیپ کی گیند بازی غیر معمولی رہی۔ نودیپ ویسٹ انڈیز اے کے دورے پر کھیل رہی ہندستان اے ٹیم کے ساتھ کھیل چکے ہیں اور کافی کامیاب رہے تھے ۔ نودیپ کے علاوہ فاسٹ بولر بھونیشور کمار نے 19 رن پر دو وکٹ لئے ۔ وراٹ نے کہاکہ نودیپ کی گیند بازی ابھی نئی ہے اور غیر معمولی ہے ۔ ہم صرف یہی توقع کر سکتے ہیں کہ وہ یہاں سے آگے اور اچھا مظاہرہ کریں گے ۔ یہ پچ اور موسم بہت اچھا نہیں تھا۔ لیکن سب نے پھر وقت رہتے اپنا کام بخوبی کیا۔ نودیپ سینی جیسی بہترین صلاحیت کے آنے سے خوش ہندستانی ٹیم کے سینئر فاسٹ بولر بھونیشور کمار نے بھی ان کی تعریف کرتے ہوئے کہا کہ وہ قومی ٹیم میں ایسے نوجوانوں کی رہنمائی کے لئے ہمیشہ تیار ھیں ۔میچ کے بعد پریس کانفرنس میں بھونیشور کمار نے کہاکہ ٹیم میں سینئر کھلاڑی کے طور پر آپ ہمیشہ اچھی کارکردگی کرنا چاہتے ہیں۔ اگر آپ کارکردگی کا مظاہرہ نہیں بھی کر سکتے ، پھر بھی آپ کو اپنا تعاون دینا ہوتا ہے ۔انہوں نے کہاکہ جب نودیپ سینی اور خلیل احمد جیسے نوجوان کھلاڑی اچھا مظاہرہ کرتے ہیں، تو آپ کو ہمیشہ ان سے بات کرنا چاہئے تاکہ وہ حوصلہ افزا ہوں ۔ یہ پہلی چیز ہے جو میں کرنا چاہتا ہوں اور میں ہمیشہ ان کی رہنمائی کرتا رہوں گا ۔ انہوں نے کہاکہ ہندستانی ٹیم میں آنے سے ٹھیک پہلے وہ ویسٹ انڈیز میں ویسٹ انڈیز اے کے خلاف انڈیا اے کے لئے کھیلے تھے ۔ اسی وجہ سے انہوں نے اچھی کارکردگی کا مظاہرہ کیا ۔ جب آپ بین الاقوامی سطح پر اچھا کرتے ہیں تو یہ آپ کے اعتماد میں اضافہ کا سبب ہوتا ہے ۔
