ملبورن: آسٹریلیا کے اوپنر عثمان خواجہ نے نیوزی لینڈ اور انگلینڈ کی جانب سے پاکستان کا دورہ ختم کرنے کو دہرا معیار قراردیا ہے ۔ ٹسٹ کرکٹر عثمان خواجہ نے نیوزی لینڈ اور انگلینڈ کرکٹ بورڈ کی جانب سے پاکستان کے دورے ختم کرنے کے فیصلے کو دہرا معیار قرار دیتے ہوئے کہا کہ اس کے برعکسہندوستان میں حالات جیسے بھی ہوں لیکن وہاںکرکٹ کھیلنے کو سب تیار ہوتے ہیں، اگر ہندوستان میں یہ صورتحال ہوتی تو پھرکوئی بھی ایسا نہ کرتا، اس کا مطلب تو یہ ہوا ہے کہ پیسہ بولتا ہے اور میرے خیال میں یہ ہی اس کی سب سے بڑی وجہ ہے۔ بائیں ہاتھ کے اوپنر نے پاکستان میں کرکٹ سیریزکھیلنے کی حمایت کرتے ہوئے کہا کہ پاکستان نے ثابت کیا ہے کہ وہ ہر لحاظ سے محفوظ جگہ ہے، وہاں سکیورٹی کے سخت اور مثالی انتظامات کیے جاتے ہیں، میں نے سب سے یہ سنا ہے کہ لوگ وہاں محفوظ ہیں، میرے نزدیک پاکستان کے ٹورزکو ختم نہیں کرنا چاہیے۔
