حیدرآباد ۔ 29 ۔ نومبر : ( سیاست نیوز) : وائی ایس آر سی پی کے قانونی سیل کے رکن وینکٹیشور شرما نے اپنے سر پر 500 روپئے کے نوٹوں کے بنڈل رکھتے ہوئے رقص کرنے کی ویڈیو سے وائرل ہورہی ہے ۔ جس میں دکھایا گیا ہے کہ وہ ایک ہوٹل میں بستر پر لیٹے اور جسم پر نوٹوں کے بنڈلوں کے ساتھ گھومتے ہوئے دیکھے گئے ۔ وینکٹیشور شرما پر کئی الزامات ہیں کہ انہوں نے جگن کے دور میں کئی بے ضابطگیوں اور سرکاری افسران کو دھمکاکر رقم حاصل کی ۔ کاکیناڈا ضلع کے پیتھاپورم کے کئی نوجوانوں کو ریاستی سکریٹریٹ میں ملازمت دلانے کا جھانسہ دے کر لاکھوں روپئے جمع کئے ۔ وینکٹیشور شرما نے جگن کی حکومت کے دوران منڈی ماربلان میں بہت سے لوگوں نے اس کے پاس قانونی مشورہ کے لیے آئے تھے ۔ اس نے انہیں یقین دلایا کہ وہ ان مقدمات کا دفاع کرے گا اور ان سے بھاری رقم وصول کرنے کے بعد مقدمات کا دفاع کئے بغیر ہی وہ چلا گیا ۔ جب لوگوں نے رابطہ کرنے کی کوشش کی تو فون کالس کا بھی جواب نہیں دیا ۔ اس رقم سے وہ ملک اور بیرون ممالک میں عیش کررہا ہے ۔ اس کی یہ تمام ویڈیوز ایک ایک کر کے سامنے آرہی ہیں ۔ پولیس اس سلسلہ میں تحقیقات کررہی ہے ۔ وینکٹیشور شرما نے ایک خاتون کے ساتھ بدتمیزی کی جو اس کے پاس قانونی مشورے کے لیے آئی تھی ۔ خاتون کی شکایت پر وجئے واڑہ کے مچارم پولیس اسٹیشن میں مقدمہ درج کرلیا گیا ۔ پولیس مقدمہ درج کر کے تحقیقات کا آغاز کردیا ۔۔ ش
