حیدرآباد ،21 اگست (آئی اے این ایس) وائی آر ایف نے جونیئر این ٹی آر پر بڑا جوا کھیلا۔ انہوں نے جنوب میں اپنی گرفت قائم کرنے کے لیے ایک بڑی حکمت عملی اپنائی اور اسے ویلن بنا کر وار2 میں متعارف کروایاگیا لیکن کیا ہوا؟ ہوا یہ کہ وہ اچھی کہانی بنانے میں ناکام رہے۔ ایک طرف تیلگو شائقین نے کہا ہے کہ این ٹی آر کو صحیح طریقے سے پیش نہیں کیا گیا۔ بعض مقامات پر ان کی اداکاری پر بڑے سوالات اٹھائے گئے ہیں لیکن کچھ بھی ہو ریتک روشن کی فلم 7 دنوں میں ہی برباد ہوگئی۔ اب تک یہ ہندوستان میں200 کروڑکو بھی پار نہیں کرپائی جبکہ اس بجٹ 400 کروڑ ہے۔ وار کی ناکامی کے درمیان، جونیئر این ٹی آرکے لیے بڑی منصوبہ بندی شروع ہوگئی ہے۔ وار2 اپنے بجٹ کی وصولی سے بہت دور ہے لیکن جونیئر این ٹی آرکی اگلی فلم پر ایک اپ ڈیٹ آیا ہے۔ وہ پرشانت نیل کے ساتھ اس پرکام کررہے ہیں۔ فلم کا نام ڈریگن بتایا جا رہا ہے۔ جونیئر این ٹی آرکی اگلی بڑی تیاری سے پہلے 15کروڑ کہاں گئے؟ اب فلم کے حوالے سے ایک بڑی خبر سامنے آئی ہے۔ حال ہی میں ایک رپورٹ شائع ہوئی تھی۔ جس سے یہ بات سامنے آئی کہ جونیئر این ٹی آر کی اگلی فلم ‘ڈریگن’ کی ٹیم نے بڑے پیمانے پر سیٹ بنایا ہے۔ یہ سیٹ گھریلو احساس دے گا، جس پر 15کروڑ روپے خرچ کیے گئے ہیں۔ دراصل یہ سیٹ فلم کی کہانی کے لیے بہت اہم تھا۔ یہ سیٹ صرف فلم میں جونیئر این ٹی آر کے کردار کے لیے بنایا گیا ہے۔ ایک ہی وقت میں بنانے والوں نے سیٹ کی ہر تفصیل پر بہت زیادہ توجہ دی ہے۔ جس میں کلر پیلیٹ، دستکاری کی اشیاء اور دیوار پر لٹکی ہوئی چیزیں شامل ہیں۔ حال ہی میں پرشانت نیل نے کمٹا میں ایک شیڈول مکمل کیا ہے جو کہ ممبئی اور منگلور کے درمیان ہے۔ دراصل، فلم کے کچھ اہم مناظر کے لیے ساحلی علاقے کو پس منظر کے طور پر استعمال کیا گیا ہے۔ جبکہ دیگرسیٹ راموجی فلم سٹی میں بنائے گئے ہیں۔ دراصل یہ ایک پین انڈیا فلم ہے۔ جس میں جونیئر این ٹی آر فل ایکشن موڈ میں نظر آئیں گے۔ یہ فلم سال 2026 میں ریلیز ہوگی۔ ویسے جونیئر این ٹی آرکی وار 2 کا معاملہ اب بگڑ گیا ہے اب ساری توجہ ڈریگن پر مرکوز ہے ۔
