ایڈیلیڈ۔30 نومبر (سیاست ڈاٹ کام ) ڈیوڈ وارنر کی شاندار ٹرپل سنچری کی بدولت آسٹریلیا نے پاکستان کے خلاف پہلی اننگز 589 رنز 3 کھلاڑی آؤٹ پر ختم کردی اور اس کے بعد میچل اسٹارک نے پاکستانی بیٹنگ شعبہ کے دھجیاں اڑادیں۔ ایڈیلیڈ میں کھیلے جارہے ڈے اینڈ نائٹ ٹسٹ میچ میں آسٹریلیا نے اپنی پہلی نامکمل اننگز 302 رنز ایک کھلاڑی آؤٹ سے آج دوبارہ شروع کی تو ڈیوڈ وارنر 166 جبکہ مارنس لبوشین 126 رنز کے اسکور آگے بڑھانا شروع کیا۔دونوں کھلاڑیوں نے عمدہ بیٹنگ کا سلسلہ جاری رکھتے ہوئے دوسری وکٹ کے لیے مزید 67 رنز جوڑے اور اسکور کو 369تک پہنچایا۔ پاکستان نے نئی گیند لی تو شاہین شاہ آفریدی نے اس کا فائدہ اٹھاتے ہوئے لبوشین کی اننگز کا خاتمہ کردیا، انہوں نے 22 چوکوں کی مدد سے 162رنز بنائے۔تاہم دوسرے سرے سے وارنر کی جارحانہ بیٹنگ کا سلسلہ جاری رہا اور انہوں نے ٹرپل سنچری مکمل کی۔ پہلے میچ کی طرح اسٹیو اسمتھ اس میچ میں بڑی اننگز نہ کھیل سکے اور 36 رنز بنانے کے بعد شاہین شاہ آفریدی کی تیسری وکٹ بن گئے۔ تاہم ان 36 رنز کے ساتھ ہی اسٹیو اسمتھ نے ریکارڈ بھی اپنے نام کرلیا اور 7 ہزار ٹسٹ رنز بنا کر ڈان بریڈمین کو پیچھے چھوڑ دیا۔ مذکورہ ریکارڈ بنانے والے اسٹیو اسمتھ 11 ویں آسٹریلوی کھلاڑی بن گئے۔ آسٹریلیا کا اسکور 589 رنز تک پہنچا تو کپتان ٹم پین نے اننگز ختم کرنے کا اعلان کردیا۔ ڈیوڈ وارنر 335 رنز بناکر ناٹ آؤٹ رہے اورآسٹریلین کپتان کا اننگز ختم کرنے کا اقدام حیران کن تھا کیونکہ ڈیوڈ وارنر باآسانی400 رنز مکمل کر سکتے تھے۔ پاکستان کی ٹیم 38 رنز پر اپنے ابتدائی تین بیٹسمینوں کی خدمات سے محروم ہو چکی تھی جس کے بعد بابر اعظم اور اسد شفیق کی بیٹنگ لائن کو سنبھالا دینے کی کوششوں کی۔ لیکن مچل اسٹارک نے اس کوشش کو ناکام بناتے ہوئے 69کے مجموعی اسکور پر اسد شفیق کی اننگز کے صرف 9 رنز تک محدود کردیا۔ افتخار احمد 26 گیندوں میں 2 چوکوں کی مدد سے صرف 10 رنز اسکور کرپائے جبکہ محمد رضوان کوئی رن ہی نہیں بناپائے۔دوسرے دن کے اختتام پر بابر اعظم 43 اور یاسر شاہ 4 رنز بناکر وکٹ پر موجود تھے جبکہ پاکستان کا پہلی اننگزمیںاسوکر 6 وکٹوں کے نقصان پر صرف 96 رنز تھا۔اسٹار نے 13 اوورس میں 2 رنز کے عوض 4 وکٹ لئے۔
