وزیر اعظم نریندر مودی نے کورونا کے بڑھتے ہوئے معاملات کے مدنظر جمعہ کو ایک اجلاس میں ملک کی متعدد ریاستوں میں میڈیکل آکسیجن اسٹاکس کی کمی کا جائزہ لیا۔ ایک سرکاری بیان میں کہا گیا ہے کہ متعدد وزارتوں کے سینئر عہدیداروں کی جائزہ میٹنگ میں ، پی ایم مودی نے مشورہ دیا کہ ہر پلانٹ کی صلاحیت کے مطابق میڈیکل آکسیجن کی پیداوار میں اضافہ کیا جائے۔ بتادیں کہ مہاراشٹر سمیت متعدد ریاستیں میڈیکل آکسیجن کی کمی کے بحران کا سامنا کر رہی ہیں۔ اگرچہ مرکزی حکومت نے پہلے ہی بیرون ملک سے 50 ہزار میٹرک ٹن میڈیکل آکسیجن خریدنے کا فیصلہ کیا ہے ، لیکن بھارت نے جمعہ کے روز لگاتار دوسرے دن بھی 2 لاکھ سے زیادہ کورونا کیسز رجسٹر کیے ہیں۔