وارانسی: وزیر اعظم نریندر مودی اپنے پارلیمانی حلقے وارانسی کا 15جولائی کو دورہ کریں گے اور اس دوران تقریبا 1550کروڑ روپئے کے پروجکٹس کا افتتاح اور تقریبا 10پروجکٹس کا سنگ بنیاد رکھیں گے ۔یہ وزیر اعظم کا اپنے پارلیمانی حلقے کا گذشتہ آٹھ مہینوں میں پہلا دورہ ہوگا۔ امکان ہیکہ وہ وہاں 5۔6گھنٹوں تک قیام کریں گے ۔ بنارس ہندو یونیورسٹی کے احاطے میں منعقد ایک ریلی میں نقاب کشائی، افتتاح و سنگ بنیاد کی تقریبات کے ساتھ وہ عوام سے خطاب کریں گے ۔یہاں کورونا گائیڈ لائنس پر عمل کرتے ہوئے 5ہزار لوگوں کے بیٹھنے کا نظم کیا گیا ہے۔ موصول اطلاع کے مطابق مودی صبح 11بجے بی ایچ یو میں منعقدشدنی ریلی میں شرکت کریں گے جہاں وہ اربوں روپئے کے ترقیاتی پروجکٹس کا افتتاح و سنگ بنیاد رکھیں گے ۔ گودولیا چوراہے پر پہلی ملٹی لیول پارکنگ اور دیگر ترقیاتی پروجکٹس کا افتتاح کریں گے۔
