نئی دہلی، یکم جنوری (یو این آئی)وزیر اعظم نریندر مودی نے جمعرات کو ملک کے عوام کو سال 2026 کے آغاز پر دل کی گہرائیوں سے مبارکباد پیش کی۔وزیر اعظم نے ایکس ہینڈل پر پیغام میں کہا،”سب کو سال 2026 کی مبارکباد! آنے والا برس آپ کی کوششوں میں کامیابی اور آپ کے تمام کاموں میں تکمیل کے ساتھ اچھی صحت اور خوشحالی لائے ۔ معاشرے میں امن اور خوشی کے لیے دعا گو ہوں ، اپنے نئے سال کے پیغام میں وزیراعظم مودی نے قومی ترقی کے لیے اتحاد اور اجتماعی کوششوں کی اہمیت پر زور دیا۔انہوں نے اس اعتماد کا اظہار کیا کہ ملک آئندہ سال درپیش چیلنجز پر قابو پالے گا اور نئی بلندیاں چھوئے گا۔وزیر اعظم کا یہ پیغام ایسے وقت میں آیا ہے جب ہندستان اپنی اقتصادی ترقی کی رفتار کو مزید مضبوط بنانے اور عالمی سطح پر اپنی پوزیشن مستحکم کرنے کی جانب گامزن ہے ۔
کھرگے اور راہول گاندھی کی نئے سال کی مبارکباد
نئی دہلی ، یکم جنوری (یو این آئی) کانگریس کے صدر ملیکارجن کھرگے اور پارٹی لیڈر راہول گاندھی نے قوم کو نئے سال کی مبارکباد پیش کرتے ہوئے ترقی اور خوشحالی کے لیے اتحاد اور اجتماعی کوششوں کی اہمیت پر زور دیا ۔کھرگے نے ہینڈل ایکس پر ایک پوسٹ میں کہا ۔ اس خوشگوار نئے سال پر میں آپ سب کو اپنی دلی مبارکباد پیش کرتا ہوں ۔ آئیے اس سال کمزوروں کے حقوق کے تحفظ کے لیے ایک عوامی تحریک بنائیں-کام کرنے کا حق ، ووٹ کا حق ، اور وقار کے ساتھ زندگی گزارنے کا حق ۔انہوں نے شہریوں پر زور دیا کہ وہ آئین اور جمہوری اقدار کا تحفظ کریں ، شہریوں کو بااختیار بنائیں اور معاشرے میں ہم آہنگی کو مضبوط کریں ۔کھرگے نے اہم مسائل پر روشنی ڈالتے ہوئے کہا کہ “ہمارے نوجوانوں کے لیے روزگار ، خواتین کے لیے تحفظ ، کسانوں کے لیے خوشحالی ، پسماندہ لوگوں کے لیے وقار اور سب کے لیے بہتر معیار زندگی ، یہ ہمارا مشترکہ عزم ہونا چاہیے ۔راہول گاندھی نے بھی دلی مبارکباد پیش کرتے ہوئے کہاکہ ’آپ سب کو نئے سال کی دلی مبارکباد پیش کرتا ہو ں‘۔
نیا سال آپ کی زندگی میں بھرپور خوشی ، اچھی صحت اور کامیابی لائے ۔ سب کو نئے سال 2026 کی بہت بہت مبارکباد! “